Një 71-vjeçar ka mbetur i plagosur në Shkodër, pasi një bombol gazi ka shpërthyer në banesën e tij.
Burime zyrtare nga policia bënë me dije se shtetasi me inicialet Sh.Q., ka marrë dëmtime të lehta dhe është jashtë rrezikut për jetën.
“Specialistët për Hetimin e Krimeve të Komisariatit të Policisë Shkodër referuan materialet në Prokurori për shtetasin Sh. Q., 71 vjeç, banues në Shkodër, pasi nga pakujdesia në përdorimin e pajisjeve të gazit, i ka shpërthyer bombola e gazit dhe për pasojë ka marrë dëmtime të lehta.”, sqaron policia.
