Një 56-vjeçar është proceduar penalisht në Dhërmi, pasi është kapur duke shkarkuar inerte në afërsi të një aksi rrugor pa autorizim.
Procedimi ka nisur për shtetasin, F.K, pasi në vendin e quajtur “Kryqëzimi i Perivolos”, po shkarkonte inertet që kishte transportuar me kamion në një sipërfaqe toke duke ndotur kështu mjedisin dhe ajrin.
“Në vijim të veprimeve, specialistët për Hetimin e Krimeve të Komisariatit të Policisë Himarë referuan materialet procedurale në Prokurori dhe nisi procedimi penal për shtetasin F. K., 56 vjeç, banues në Dhërmi”,- njofton Policia.
