Anëtari i kryesisë së Partisë Demokratike, Belind Këlliçi i ka bëri thirrje SPAK të intesifikojë hetimet dhe të vendosë para përgjegjësisë përgjegjesit e vertetë për aferën e inceneratorëve.
Ndërsa akuzoi kryebashkiakun Erion Veliaj, si përftuesin real të inceneratorit, Këlliçi u shpreh se masat e ndalimit u ekzekutuan 5 muaj me vonesë.
Këlliçi u ndal edhe te censura e disa mediave në raportimin e kësaj ngjarje, duke thënë se jane financuar me paratë e inceneratorëve.
‘Bashkia Tiranë dhe Erion Veliaj janë përfituesit realë të inceneratorit, ndërsa SPAK i ka ndërmarrë masat e ndalimit 5 muaj me vonesë. Një shqyrtim i detajuar i vendimit gjyqësor dhe shkresave të Ministrisë së Infrastrukturës si dhe Administratorit Shtetëror, tregon qartë lidhjet korruptive dhe manipulimin e dokumentacionit nga ana e Bashkisë Tiranë.Mosfunksionimi i Njesisë së Zbatimit të Projektit dhe bllokimi i komunikimit nga Bashkia Tiranë shfaqin dështimin strukturor të monitorimit të inceneratorit.’
Anëtari i kryesisë së PD, e përmbyll reagimin e tij, duke i bërë thirrje SPAK, të intensifikojë dhe ta marë seriozisht hetimin, për të zbuluar përgjegjësit e vërtetë dhe të godasë përfituesit realë në këtë skemë mafioze.
