Një video e shpërndarë në internet tregon pushuesit në plazhin Leighton, afër Perthit në Australi, duke iu afruar një balene që po notonte jashtëzakonisht afër bregut.
Në pamje, balena mund të shihet duke u endur në ujëra të cekëta dhe duke tërhequr vëmendjen e plazhistëve. Balena më vonë u kthye përsëri në det.
Biologia detare Dr Natalie Sinclair tha për BBC se balena mund të ishte në rrezik për të ngecur dhe se kjo lloj sjelljeje është e pazakontë dhe e rrezikshme.
Ajo paralajmëroi gjithashtu se njerëzit që notojnë afër rrezikojnë ta çorientojnë balenën dhe se gjëja më e mirë për të bërë në këtë situatë është të lënë balenën të qetë dhe t’ua lënë profesionistëve çdo përpjekje shpëtimi.
“Afërsia e individëve me balenën paraqet rreziqe jo vetëm për kafshën, por edhe për njerëzit e përfshirë”, shtoi ajo.
