Dy qytetarë janë përleshur me njëri-tjetrin në urbanin e Kamzës. Mësohet se arsyeja ka qenë, pasi njëri prej tyre ka ngacmuar një zonjë në autobus.
Bëhet fjalë për personin që në videon e publikuar nga JOQ shihet më i acaruar dhe që shan pasagjerin tjetër. Ndërkohë, i riu që ka ndërhyrë për të mbrojtur zonjën duket më i qetë. Ai i thotë se nuk duhet të ngacmojë në atë formë, një grua që nuk e njeh.
Siç shihet dhe në pamjet e mëposhtme, edhe faturinoja i urbanit ka ndërhyrë për të parandaluar përshkallzëmin e sherrit. Ndërkohë, edhe pasagjerë të tjerë kanë kundërshtauar personin që ka ngacmuar zonjën dhe që po shan në autobus.
Ky raportim ka ardhur nga një vazjë, e cila ka qenë e pranishme në vendngjarje. Madje ajo ka filmuar edhe një pjesë të konfliktit.
