Vetëm disa orë pasi njoftoi mbylljen e bashkëpunimit me sulmuesi Dodev, Vllaznia largon një tjetër lojtar nga ekipi.
Me anë të një postimi në faqen zyrtare, klubi shkodran njofton se ka mbyllur bashkëpunimin me mbrojtësin Konstantin Cheshmedjiev.
“KF Vllaznia njofton mbylljen e bashkëpunimit edhe me futbollistin Konstantin Cheshmedjiev. Klubi dhe mbrojtësi kanë vendosur të ndërpresin me mirëkuptim kontratën mes palëve.
KF Vllaznia e falënderon Konstantin Cheshmedjiev për kontributin e dhënë gjatë kësaj periudhe me skuadrën kuqeblu”, shkruan Vllaznia.
Kujtojmë që 27-vjeçari u transferua në Shkodër në korrikun e këtij viti, por kontrata është ndërprerë me mirëkuptim të dyanshëm, siç thotë dhe vetë klubi i Vllaznisë.
Duket se Tefik Osmani e ka nisur me “dorë të hekurt” punën e tij tek kuqeblutë.
