Ish-prefekti i Kukësit, Granit Gjana është paraqitur mëngjesin e së enjtes në GJKKO.
Në gjykatë do të zhvillohet seanca e marrjes në pyetje dhe verifikimi i kushteve të zbatimit të masës së sigurisë.
SPAK njoftoi këtë të Mërkurë se Gjykata Kundër Korrupsionit dhe Krimit të Organizuar (GJKKO) ka miratuar kërkesën për pezullimin nga detyra të Granit Gjanës, nën dyshimet se ka kryer veprën penale të “Shkeljes së barazisë në tendera”.
Sipas SPAK-ut, “…ky shtetas me mosveprimet e tij, e konkretisht mospaisjen në kohën e duhur me Autorizimin për tregtimin e lëndëve djegëse, edhe pse subjekti “U. C” shpk, i kishte kryer pagesat e nevojshme dhe dorëzuar dokumentacionin pranë organit shtetëror sipas ligjit, e ka penguar OE-në të kualifikohet në dy procedurat e tenderit me objekt “Blerje karburanti”, në vlerën 21.000.0000 lekë, të organizuara nga Autoriteti Kontraktor Bashkia Kukës përgjatë vitit 2023”.
