Nxënësit e shkollave në Mamurras dhe Fushë Mamurras janë larguar nga mësimi për shkak të ajrit të ndotur. Mësohet se në orët e mesditës së të enjtes, aroma e rëndë është ndier në zonën e Mamurrasit, ndaj janë shfaqur probleme në frymëmarrje te disa nxënës.
Sipas një njoftimi nga Bashkia e Kurbinit, ndotja e ajrit vinte nga një pikë gazi në Thumanë të Krujës dhe u identifikua burimi i ndotjes.
“Sapo njoftohemi nga strukturat e MC të bashkisë Kurbin, se pas verifikimeve të bëra në terren u konstatua që ndotja e ajrit me gaz, vinte nga një pikë gazi në territorin e Njësisë Administrative Thumanë, të bashkisë Krujë. Strukturat e MC të bashkisë Kurbin, bashkë me të tjerë, ishim vete në vendngjarje dhe u identifikua burimi i ndotjes. Megjithatë, strukturat e MC të bashkisë Kurbin janë në gadishmëri në varësi te situatës”, thuhet ne njoftim
