Një kontratë të re deri në vitin deri në vitin 2028. Inter po mendon të blindojë Lautaron për 4 vitet e ardhshme. Siç raportojnë mediat në Itali, dy palët kanë gjetur akordin, ndërsa po diskutohen dhe detajet finale.
Marrëveshja e re do të përfshijë një pagë rreth 7 milionë neto në vit, shifër që do ta bënte Lautaron lojtarin më të paguar në klub. Nëse ky rinovim do të ndodhë, sulmuesi argjentinas ka mundësi të kalojë dhjetë vite me fanellën zikaltër, duke u bërë kështu një nga më jetëgjatët në historinë e klubit.
Në kampin zikaltër, bisedimet për kontratën e re të argjentinasit nuk ishin kurrë në dyshim, ishte vetëm një çështje që shumë shpejt do të zgjidhej në klub. Raportohet se në javën e parë të vitit të ri çdo gjë do të konkretizohet. Me golat e tij spektakolar, ai është kthyer në një nga lojtarët më të dashur për tifozët e Interit.
Deri më tani, ai ka shënuar 13 gola në 14 ndeshje, një shifër që përveçse e shtyn të përmirësojë rekordin e tij personal me 21 gola në dy sezonet e fundit në Serinë A, pse jo mund të kalojë dhe bashkëkombasin e tij Gonzalo Higuan, i cili me Napolin në 2016 realizoi 36 gola.
