Stuttgart fiton sërish ndaj Borussia Dortmund, si në kampionat. Suksesi 2-0 kundër verdhezinjve solli kualifikimin e surprizës së këtij edicioni, në çerekfinalet e Kupës së Gjermanisë.
Dortmundi iu afrua golit të minutën e 20’, por Marcel Sabitzer u ndal nga shtylla. Ndërkohë që vendasit kaluan në avantazh në minutën e 55’. Me anë të Serhou Guirassy, golashënuesit më të mirë të skuadrës.
Miqtë gjetën golin e barazimit pas pesë minutave, por VAR-i anuloi golin e 19-vjeçarit Jamie Bynoe-Gittens për pozicion të parregullt.
Vendasit përfituan dhe mbyllën llogaritë e kualifikimit në minutën e 78’. Moment kur Silas realizoi të dytin për Stuttgartin, që deri tani po zhvillon një sezon spektakolar.
Çerekfinalja tjetër: Hertha Berlin-Hamburg, ka shkuar në shtesë, pasi koha e rregullt përfundoi në barazim 2-2.
