Është arrestuar këtë mbrëmje në Turqi, Ljupço Palevski, Pallço i dyshuari kryesor vrasjen e 14-vjeçares Vanja Gjorçevsksa dhe të moshuarit Pançe Zhezovski në Maqedoninë e Veriut.
Sikurse bëjnë me dije mediat vendase, sonte është arrestuar edhe një 46-vjeçar nga Shkupi, i cili sipas prokurorisë e ka transportuar Palevskin përmes Bullgarisë për në Turqi, duke e ndihmuar të largohet nga vendi.
Sonte në Gjykatën Penale janë çuar edhe të dyshuarit e tjerë, ku gjyqtari i procedurës paraprake do të vendosë për propozimin e prokurorisë për vazhdimin e masës së paraburgimit.
Kujtojmë se dhe babai i vajzës së mitur ndodhet në paraburgim, pasi dyshohet i implikuar në ngjarje, duke i dhënëinformacione autorit për lëvizjet e 14-vjeçares.
