Ditën e sotme është ndarë nga jeta, mjeku i famshëm dhe specialisti i shëndetit publik, Dr.Manush Thanasi. I njohur nga të gjithë si mjeku i “Zebrave të Tironës” në vitet ’80, Thanasi ka ndërruar jetë në moshën 76-vjeçare.
Manush Thanasi shërbeu në kampin e klubit të Tiranës gjatë viteve ’80-të në epokën më të artë të klubit.
Ai ka dhënë një kontribut shumë të madh në shëndetësi, pasi përveç se mjek, prej disa kohësh ka qenë dhe drejtor i Drejtorisë së Higjenës dhe Epidemiologjisë Tiranë.
Thanasi konsiderohet nga miqtë si një njeri i veçantë, inteligjent, miqësor dhe i drejtpërdrejtë. Vitet e fundit, ai ka qene shumë aktiv dhe në media, ku herë pas here shfaqej në intervista të ndryshme dhe jepte këshilla shëndetësore për të gjitha moshat.
