Derbi i 172-të i kryeqytetit mes Tiranës dhe Partizanit, do të luhet sot në orën 19:00 në stadiumin “Air Albania”.
Organizator i këtij derbi është Tirana, ndërkohë dihet që në fazën e parë dueli i fitua nga Partizani në shifrat 2-1. Ndërkohë janë mësuar edhe gjyqtarët të cilët do të mbajnë drejtësi në këtë takim.
FSHF ka vendosur që këtë takim do ta drejtojnë një treshe arbitrash me stemën e FIFA-s, të cilët janë ndër më të mirët dhe me përvojë në futbollin shqiptar.
Kryesori i takimit është vendosur Juxhin Xhaja, i cili do të ndihmohet nga dy asistentët e tij, Rejdi Avdo dhe Dorjado Myftari. Gjyqtar i katërt do të jetë Ardian Beqiri, në VAR do të jetë Kreshnik Bajramaj.
