Mes dhimbjes për humbjen e njeriut të dashur, familja e Liridona Ademajt po mendon edhe shpagimin.
Mediat në Kosovë citojnë vëllain e saj të pohojë se do ta zhvarrosin trupin e 30-vjeçares, e cila u vendos një ditë më parë të prehej në varrezat e familjes së bashkëshortit të saj, Naim Murseli, i cili është ndaluar nga policia e Kosovës nën dyshimin se pikërisht ai e kishte porositur vrasjen e saj.
“Nuk ka pasur probleme asnjëherë. Motra jonë ishte e ndershme. Ne do ta zhvarrosim trupin, duan apo nuk duan ata. Familjes Murseli i kemi dhënë dy ditë kohë, edhe kaq shumë e kanë”, mësohet të ketë thënë ai.
