Dy vëllezër janë konfliktuar fizikisht me njëri-tjetrin këtë të shtunë në Çorovodë, ku njëri prej tyre ka mbetur i plagosur me thikë.
Autoritet bëjnë me dije se Policia e Skraparit ka arrestuar autorin e plagosjes, shtetasin Elidon Mançe, 46 vjeç, ndërsa vëllai tjetër i plagosur ndodhet në spital jashtë rrezikut për jetën.
“Shërbimet e Komisariatit të Policisë Skrapar arrestuan shtetasin E. M., 46 vjeç, banues në Çorovodë, pasi mbrëmjen e djeshme, për shkak të një konflikti për motive të dobëta, ka dëmtuar me mjet prerës (thikë), vëllanë e tij, i cili po merr ndihmë mjekësore në spital dhe është jashtë rrezikut për jetën.”, thuhet në njoftimin e policisë.
