Eno Nikulaj, kushëriri i biznesmenit Ardian Nikulaj, është ëlluar për vdekje me breshëri kallashnikovi mbrëmjen e kësaj të shtune në dalje të qytetit të Lezhës.
Ai është qëlluar nga autorë ende të paidentifikuar, teksa ishte brenda makinës së tij fuoristradë. Autorët janë larguar pas ngjarjes me një makinë tip BMW, ndërsa pak më parë një mjet është gjetur duke u djegur në afërsi të Rinasit, që dyshohet se u përket autorëve.
Në vendngjarje janë gjetur 30 gëzhoja plumbash.
Nuk dihen ende shkaqet e ngjarjes, ndërkohë kujtojmë se ky atentat ka ndodhur 9 muaj pas vrasjes së biznesmenit, Ardian Nikulaj, më 19 në prill të këtij viti në lokalin e tij në Shëngjin.
