Gjykata e Posaçme kundër Korrupsionit dhe Krimit të Organizuar (GJKKO) ka vendosur përjashtimin e avokatit Detar Hysi si mbrojtës i Laert Haxhiut, në lidhje me masakrën e Lushnjës në vitin 2017, ku u vranë Zamir Latifi dhe Jurgen Hoxha, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjës.
Kjo gjë ishte kërkuar nga vetë babai i Laert Haxhiut, i cili kishte sjellë në gjykatë një prokurë, ku i revokonte tagrat e përfaqësimit avokatit Hysi. Gjykata ka caktuar avokatë Elvis Gorishtin dhe Artan Simonin, të cilët kanë kërkuar sërish kohe për tu njohur me aktet e dosjes.
Seanca u shty për në datën 18 dhjetor ora 11:00, teksa gjykata u bëri me dije avokatëve se kjo është hera e fundit që atyre ju jepet koha për tu njohur aktet e dosjes. Gjykata relatoi se seancat për Laert Haxhiun do te jene për pas çdo të hënë në orën 11:00.
Kujtojmë se GJKKO në seancën e kaluar vendosi që procesi gjyqësore të vijoj në mungesë të Laert Haxhiut pasi ky i fundit ka refuzuar marrjen në dijeni në burgun grek ku ndodhet i ndaluar në pritje të vendimit për ekstradimin e tij drejt vendit tonë.
Laert Haxhiu është marrë i pandehur dhe i shpallur në kërkim ndërkombëtar nga GJKKO për masakrën e Lushnjës në 2017, ku vranë Zamir Latifi dhe Jurgen Hoxha, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjës.
GJKKO ka dënuar me burgim të përjetshëm Orgest Bilbilin dhe Anterio Kaloshin, të shpallur fajtor për vrasjen e Zamir Latifit dhe Jurgen Hoxhës, si dhe plagosjen e Bujar Turkut dhe Marius Xhepexhiut, në Lushnjë në 2017.
Gjithashtu, Laert Haxhiu u rishpall në kërkim nga SPAK dhe pas dëshmisë së bashkëpuntorit të drejtëise Artan Tafani ku e implikon Haxhiun ne disa vrasje dhe krime të tjera.
Pas dëshmive të Artan (Marjus) Tafanit, Laert Haxhiu akuzohet si autor i vrasjeve të:
- Lulzim Qorrit, 12 Dhjetor 2018 në Athinë
- Fridmand Xhaferrajt, 13 Maj 2021 në Korçë
- Çajup Selimit, 1 Qershor 2021 në Tepelenë
- Dikens Halilit, 3 Tetor 2021 në Athinë
- Alban Semakut, 17 Tetor 2021 në Peqin
- Albi Bashaliut, 27 Dhjetor 2021 në Elbasan
Si dhe një sërë krimesh të tjera si shpërthime me tritol, tentativë vrasje dhe gjobvënie
