Një ngjarje e rëndë është regjistruar këtë të premte në fshatin Lenie të Gramshit, pasi ka humbur jetën tragjikisht një punëtor.
Burime bëjnë me dije se viktima është 50-vjeçari, Fisnik Vrapi, i cili ka humbur jetën duke punuar në ndërtimin e HEC-it në atë fshat. Viktima ishte banues në Elbasan dhe punonte në kompaninë që po e ndërton HEC-in
Dyshohet se pasi është rrëzuar, viktimës i kanë rënë mbi trupin e tij disa mjete të rënda që i kanë marrë dhe jetën.
Policia dhe grupi hetimor ndodhen në vendin e ngjarjes për zbardhjen e rrethanave.
