Është ndarë nga jeta në moshën 70-vjeçare, ish-kancelari i Thesarit i Britanisë , Alistair Darling.
Mësohet se Darling ishte diagnostifikuar me kancer, dhe ka humbur betejën me sëmundjen.
Ish-ministri, i cili ishte një anëtar i vjetër i qeverisë laburiste, vdiq pas një “qëndrimi të shkurtër” në një spital të Edinburgut, sipas një deklarate të lëshuar në emër të familjes së tij.
Alistair Darling ishte ministër i financave në qeverinë laburiste të Gordon Broën midis 2007 dhe 2010, gjatë krizës financiare dhe recesionit pasues.
Udhëheqësi i laburistëve Keir Starmer bëri sot homazhe për një njeri “ekspertiza dhe integriteti i të cilit ndihmuan në qeverisjen e vendit në mes të trazirave të krizës financiare globale”.
Alistair Darling u zgjodh deputet në vitin 1987 dhe karriera e tij mori hov kur laburistët erdhën në pushtet në 1997. Ai ishte gjithashtu një nga drejtuesit e fushatës Jo në referendumin e 2014-ës për pavarësinë e Skocisë.
