Azili i të moshuarve në Fier, u përfshi nga një zjarr masiv pasditen e kësaj të mërkure, duke asfiksuar shumë të moshuar që ndodheshin brenda godinës.
Në një prononcim për mediat një e moshuar tregon momentet se si ra zjarri dhe si arritën të dilnin nga ndërtesa.
“Gjithmonë sirena bie për një incident të vogël. Kur e pashë tymin i thashë shoqes së dhomës çohu se po mbushet shtëpia me ty. Dhe ikëm avash avash, kur shkuam te shkallët e dyta nuk u mbushëm dot me frymë. Pastaj erdhën dhe na ndihmuan. Nuk ka pasur incidente. Kam 6 vite këtu dhe nuk ka bërë vaki. Shkëndija elektrike çfarë nuk mund të japi”, tha një e moshuar.
“Ishim të gjithë brenda. Ka ardhur i gjithë tymi brenda dhe u bllokuam brenda. Asnjë nuk u prek shyqyr Zotit. Ishte një moment paniku por jo i dëmshëm”, tha një tjetër.
Shkak i zjarrit dyshohet të ketë qënë një shkëndijë elektrike, ndërsa si pasojë e tymit mësohet se janë asifksuar 16 të moshuar të cilët janë nisur drejt spitalit për ndihmë mjekësore.
Policia dhe grupi hetimet ndodhet në vendngjarje.
