Lazio ka marrë një fitore të rëndësishme në shtëpi ndaj skocezëve të Celtic me rezultatin 2-0, ndeshje e vlefshme për grupet e Champions League.
Pjesa e parë përfundoi pa gol, me lacialët që u përpoqën që të bënin diferencën falë aftësive individuale të Anderson apo Luis Albertos.
Skocezët tentuan me forcat e tyre, gjithsesi hasën mjaft vështirësi për të çarë murin italian. Lënia në stol e Immobile zbehu disi ofensivën vendase, e kjo u pa qartë në 45 minutat e para.
Në pjesën e dytë, me aktivizimin e Immobile-s gjërat ndryshuan dhe goli i tij në këtë sfidë erdhi në minutën e 82-të. Goli i sigurisë erdhi po nga bomberi italian, në të 85-tën.
Me këtë sukses, italianët shkojnë në kuotën e 10 pikëve duke marrë kryesimin e Grupit E në Champions League, ndërkohë Celtic kështu shuan çdo shpresë kualifikimi, me 1 pikë.
Shakhtari nga ana tjetër ka arritur të fitojë minimialisht ndaj Antwerp falë golit të Matviienko në minutën e 12’.
Me tre pikët e marra, ukrainasit ndodhen tashmë në vendin e tretë me 9 pikë, po aq sa Barça dhe Porto që ndeshen në mbrëmje, ndërsa skuadra belge në vendin e fundit me 0 pikë.
