Një 29-vjeçar shqiptar, Angjelo Avdiu, i cili ishte zhdukur pa lënë gjurmë nga data 30 tetor nga zona Vartholomiu në rajonin Achaia, ku ndodhej për të vizituar familjarë të afërt, është gjetur i varur në një pemë.
Ai është gjetur i varur me duar të lidhura në oborrin e shtëpisë së pushimit të një familje greke, që nuk ndodhej prej muajsh në banesë, në fshatin Dhiaspora të zonës Kilini.
29-vjeçari shqiptar është identifikuar nga rrobat, ndërsa nëna e tij ka kryer dhe procedurën e vështirë të identifikimit nga afër.
Familja e Angjelos është tepër e shokuar pasi nuk kanë asnjë të dhënë se çfarë mund të ketë ndodhur me djalin e tyre.
Policia po heton edhe pistën e vrasjes së organizuar.
Trupi i Angjelo Avdiu u gjet nga pronari i shtëpisë i cili e vizitoi rastësisht dhe ndjeu një erë tepër të rëndë për t’u përballur me pamjen e frikshme të trupit të varur të 29-vjeçarit.
