Zgjatja e armëpushimit në Gaza për dy ditë është “një rreze shprese për njerëzimin”, edhe nëse nuk mjafton për të çuar ndihma shumë të nevojshme për banorët e enklavës që kanë nevojë, tha sonte Sekretari i Përgjithshëm i OKB-së.
“Është një rreze shprese dhe njerëzimi në mes të errësirës dhe luftës, dhe shpresoj se do të na lejojë të rrisim (dërgimin e) ndihmave humanitare për popullin e Gazës që po vuan kaq shumë, duke e ditur se, edhe me këtë shtesë kohë, do të jetë e pamundur të plotësohen të gjitha nevojat e mëdha të popullsisë”, u tha gazetarëve Antonio Guterres.
Guterres u shfaq optimist se një tjetër pikë kufitare mund të hapej për të shtyrë ndihmat humanitare në Gaza.
