Një shpërthim i fuqishëm është raportuar në veriun e Mitrovicës pak pas mesnate.
Ky është shpërthimi i dytë me radhë pas atyre të 19 nëntorit, ku ishin regjistruar dy shpërthime, por pa dëme. Ende nuk dihet lloji i mjetit shpërthyes që u gjuajt.
Banorët shqiptarë të Lagjes së Boshnjakëve konfirmojnë se shpërthimi ishte shumë i fortë. Edhe banorët e jugut të Mitrovicës thanë se shpërthimi u dëgjua edhe në jug. Ende nuk dihet se çfarë mund ta ketë shkaktuar këtë shpërthim, pritet një njoftim nga autoritetet për zbardhjen e rastit.
