Si pasojë e reshjeve të dendura të dëborës që kanë nisur prej mbrëmjes së djeshme, aksi rrugor baypass – Qafë Murriz në Rrugën e Arbrit, aktualisht është i pakalueshëm.
Policia e Shtetit njoftoi se firma e mirëmbajtjes po punon për pastrimin e plotë të dëborës nga aksi rrugor dhe deri në përfundimin e tyre, qarkullimi i mjeteve do të bëhet nga aksi i vjetër rrugor Klos- Burrel- Ulëz.
Po ashtu mësohet se akset rrugore, Peshkopi Bulqizë, Bulqizë – Klos dhe Peshkopi – Kukës janë të kalueshme vetëm me zinxhirë.
Policia Rrugore apelon për drejtuesit e mjeteve që të mos qarkullojnë pa goma dimërore dhe zinxhirë, të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë. Në rast nevoje për ndihmë, telefononi në numrin 112.
