Atletico Madrid ka mundur 1-0 Mallorca-n e Vedat Muriqit, që nuk ka luajtur sot për shkak dëmtimi, dhe ka kapur Barcelonën në vendin e tretë të renditjes.
Sfida e luajtur mbrëmjen e sotme në Madrid, e vlefshme për javën e 14-të të kampionatit spanjoll, është vendosur në pjesën e dytë nga një gol i bukur me kokë i shënuar nga Griezmann.
https://twitter.com/i/status/1728525392506765332
Sulmuesi francez po zhvillon një sezon të shkëlqyer me 9 gola të shënuar në 13 ndeshje të luajtura deri tani në kampionatin spanjoll.
Kampioni i botës është në vendin e dytë të renditjes së golashënuesve më të mirë të La Liga-s 2023/24, vetëm një gol larg Jude Bellingham-it.
