Pasagjerët në “Frontier Airlines” janë shokuar në momentin që një grua ka hequr pantallonat e saj dhe është ulur në mes të avionit për të urinuar.
Gruaja në video, emri i së cilës nuk është bërë i ditur, thuhet se donte të shkonte në tualet, mirëpo ajo është ndaluar nga stafi i linjës së fluturimit.
E gjendur në një situatë që donte të shkonte në tualet, ajo ka vendosur të hiqte pantallonat dhe të brendshmet e saj në mes të avionit, ndërkohë që ka nisur të shante kundrejt pasagjerëve të indinjuar.
Megjithatë, ajo bën një pauzë për të kërkuar falje paraprakisht, duke u thënë “Më falni, të gjithëve” për të pranishmit të cilit dukeshin të habitur. Incidenti ndodhi mbrëmjen e së hënës në një fluturim nga Florida në Filadelfia.
Nuk ishte çudi, që kërkim-falja nuk ishte mjaftueshëm për pasagjerët, të cilët nisën t’i bërtisnin gruas, duke i thënë që të ndalonte. Ajo më pas iu është kthyer duke thënë: “Nuk më intereson fare, dua të urinoj”.
