U mbyll në barazim 1-1 sfida mes Egnatias dhe Partizanit e vlefshme për javën e 13-të në Superiore.
Ndeshja startoi në minutën e 24-t, aty ku u ndërpre pak ditë më parë, për ndarjen nga jeta të Raphael Dwamena.
Vendosën dy golat e shënuar në ndeshjen e ndërprerë, më 11 nëntor. Sa i përket sfidës së sotme, rastet nuk munguan për të dyja ekipet, por pa arritur dot ta dërgojnë topin në rrjetë.
Sakaq Partizani e mbylli ndeshjen me 9 lojtarë, për shkak të dëmtimeve të rënda të Bytyçit dhe Prekës, në minutat e fundit. Me këtë barazim, ekipet ndajnë dy vendet e para me nga 27 pikë. Te kuqtë megjithatë kanë një ndeshje më pak.
