U luajtën ditën e sotme, katër ndeshje të Kategorisë së Parë, të vlefshme për javën e 12-të.
Bylis vazhdon serinë e rezultateve pozitive. Ballshiotët mposhtën me përmbysje në transfertë Burrelin me rezultatin 1-2. Matjanët kaluan të parët në avantazh me Dedgjonajn në minutën e 4-t, por miqtë përmbysën me golat e Peralta në minutën e 13-të dhe Emini në minutën e 21.
Apolonia fitoi derbin ndaj Lushnjës, me rezultatin e thellë 4-1. Lagunarët kaluan në avantazh të parët në minutën e 46-të me Tabakun, por fierakët përmbysën gjithçka dhe shënuan katër herë me Asllanaj, Trifoni, Omeri dhe Maksuti.
Fitore regjistroi edhe Flamurtari, që mposhti 2-1 Luzin, ndërsa Korabi triumfoi 4-0 ndaj Tomorit në shtëpi.
