Një 30-vjeçar nga Burreli është vënë në pranga pasi iu gjet në banesë municion luftarak. Policia njofton se në kuadër të operacionit “Sundimi i ligjit” në pranga ra Emirel Tushi, banues në Burrel.
Si rezultat i kontrollit në banesën e 30-vjeçarit shërbimet e Policisë, gjetën të fshehura dhe sekuestruan në cilësinë e provës materiale 11 thika të përmasave të ndryshme, municion luftarak dhe një shkop bejzbolli.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
