Deputetët e opozitës janë përplasur fizikisht me punonjësit e gardës këtë të hënë në hyrje të Kuvendit. Kjo pasi këta të fundit nuk kanë lejuar hyrjen e deputetëve në sallë pa i kontrolluar më parë.
Teksa kreu i grupit parlamentar të PD-së, Gazment Bardhi kërkon që të lëvizë në sallë, punonjësit e Gardës nuk e lejojnë. Ndërkohë Bardhi ka shpërthyer ndaj kryeparlamentares Lindita Nikolla, duke e quajtur mashtruese. Nisur nga deklarata e kësaj të fundit se nuk ka një urdhër garde për seancën e ditës së sotme.
“Ku është ajo mashtruesja që tha s’ka urdhër garde”, – dëgjohet të thotë Bardhit.
