Një operacion policor me urdhër të SPAK, po zhvillohet në kryeqytet, ndërsa është ndaluar edhe ish-drejtori i Policisë, Erzen Breçani.
Burime bëjnë me dije se Breçani po shoqërohet drejt Drejtorisë së Policisë së Tiranës, bashkë me 11 persona të tjerë. Mes të arrestuarve ka edhe policë të tjerë, ku burime bëjnë me dije se në pranga janë vënë dhe shefi i krimeve të komisariatit nr.6 Dedan Gjoni.
Burime bëjnë me dije se hetimet po ndiqen nga prokurori i SPAK, Vladimir Mara, teksa Erzem Breçani akuzohet për përkrahje të autorit të krimit. Veç Erzen Breçanit, mësohet se një prej urdhër-arresteve është edhe për një prej djemve të tij, Eralbi Breçani.
Po të njëjtat burime bëjnë me dije se akuzat për 11 të ndaluaarit janë, pastrim parash, grup i strukturat kriminal, trafik droge, sigurim kushtesh për të kryer vrasje, shpërdorim detyre dhe përkrahje e autorit të krimit.
11 urdhër-arrestet janë lëshuar si rrjedhojë e zbërthimit të bisedave në aplikacionin “Sky-Ecc”.
Ndërkohë, pritet të dhëna zyrtare për këtë operacion që është në zhvillim e sipër në bashkëpunim me Prokurorinë e Posaçme.
