Kanë përfunduar pjesët e para të dy sfidave të vlefshme për Grupin G të kualifikueseve të Europianit.
Kështu, në “Puskas Arena”, të Budapestit, Hungaria po humbet 0-1 ndaj Malit të Zi. Për fqinjët tanë realizoi mbrojtësi Slobodan Rubezic në minutën e 36-të.
Nga ana tjetër, Serbia po fiton 1-0 falë golit të Milos Veljkovic në minutën e 17-të. Këto rezultate kanë sjellë edhe rokadë në klasifikim me serbët që kanë marrë vendin e parë, ndërsa Hungaria zbret një vend më poshtë.
Pjesët e dyta priten të jenë tepër interesante me të dyja ekipet që synojnë të kualifikohen si koka e grupit.
