Në qendër të Tiranës ithtarët e Enver Hoxhës rikthejnë banderolat e sistemit më të egër diktatorial të Europës.
Edhe pse çdo vit e më shumë pakësohen, ithtarët e Enverit vijojnë të dalin nëpër sheshe në data të rëndësishme për Shqipërinë siç janë festat e Çlirimit apo dita e dëshmorëve.
Edhe sot me rastin e 79 vjetorit të çlirimit të Tiranës në sheshin “Ushtari i panjohur” janë shfaqur pankarta me figurën e Enver Hoxhës apo dhe simbole të tjera të komunizmit.
“Rroftë Partia Komuniste” ishte një ndër banderolat e shpërndarë prej tyre ndërsa mbizotëron “ylli” komunist.
Pavarësisht se duket e pazakontë autoritet e bashkisë së Tiranës nuk pengojnë ithtarët e Enver Hoxhës që të bëjnë propagandë pikërisht në “zemër” të kryeqytetit.
