Kualifikueset e Europianit “Gjermani 2024” janë prova reale e ngushtimit të diferencave në futbollin modern.
Deri diku ka rënë miti i skuadrave të vogla, siç ishin dikur Shqipëria, Luksemburgu, Moldavia apo edhe Kazakistani, që me fitoren e fundit ndaj San Marinos ka shanse të kualifikohet në Europian.
Kazakistani bën pjesë në Grupin H dhe sot mposhtën në shtëpi San Marinon në shifrat 3-1. Me këtë trepikësh kazakët ndodhen në kuotën e 18 pikëve, një më pak se dy kryesueset Sllovenia dhe Danimarka, që do të ndeshen sonte bashkë. Padyshim fati i Kazakistanit vendoset në ndeshjen e fundit ndaj Sllovenisë.
Ndërsa Danimarka ndeshjen e fundit e luan në Irlandën e Veriut. Sa i përket duelit të dy kryesuesve, Slloveni-Danimarkë, Kazakistanit i intereson që takimi të dalë barazim, ose të fitojë Danimarka, në mënyrë kazakët ta kenë vetë në dorë fatin e kualifikimit.
