Policia ka dalë me një reagim zyrtar lidhur me ngjarjen që u raportua pak më herët ku një vajzë -vjeçare është paraqitur në spitalin “Nënë Tereza”, me shenja djegie në trup.
Lidhur me rastin policia ka hedhur poshtë pretendimet se është djegur qëllimisht, duke thënë se ka qënë i vëllai i saj i mitur 9 vjeçar që e ka djegur aksidentalisht duke luajtur me bishtin e një cigareje.
“Ditën e djeshme, është paraqitur për ndihmë mjekësore në spitalin “Nënë Tereza”, e shoqëruar nga nëna e saj, një e mitur 2 vjeçe, të cilën e ka djegur aksidentalisht (duke luajtur me një bisht cigare) vëllai i saj i mitur 9 vjeç”,- thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
