Policia e Durrësit ka njoftuar se është identifikuar trupi i pajetë i gruas që u gjet e pajetë paraditen e kësaj të hëne në plazhin e Durrësit. Trupi i përket një gruaje nga Tirana e moshës 53-vjeçare me inicialet A.L.
Nga të dhënat paraprake dyshohet se gruaja është rrëzuar aksidentalisht dhe është mbytur në det.
Durrës/Informacion paraprak
Rreth orës 11:20, në lagjen nr .13, është gjetur në det, trupi i pajetë i shtetases A. L., 53 vjeçe, banuese në Tiranë, e cila dyshohet se është mbytur aksidentalisht në det. Nga këqyrja paraprake e trupit të 53-vjeçares nuk janë konstatuar shenja dhune.
Grupi hetimor vijon punën për sqarimin e rrethanave të ngjarjes
