Policia e Tiranës ka arrestuar një 40-vjeçar që qarkullonte me armë zjarri pistoletë, në automjet, teksa drejtonte dhe automjetin pa leje drejtimi.
Në vijim të operacionit policor të koduar “Sundimi i ligjit” është vënë në pranga nga forcat “Shqiponja” shtetasi Arben Koçi, banues në Fushë Krujë.
“Gjatë kontrolleve të kryera në bashkëpunim me shërbimet e Komisariatit të Policisë Nr. 3, në rrugën “Vangjel Noti”, është ndaluar automjeti me drejtues shtetasin Arben Koçi. Pas ndalimit të automjetit, ky shtetas iu ka paraqitur punonjësve të Policisë, një leje drejtimi me gjeneralitete të një shtetasi tjetër. Nga verifikimet e kryera rezultoi se Arben Koçi nuk ishte i pajisur me leje drejtimi. Gjatë kontrollit në automjetit, u gjetën një armë zjarri pistoletë me municion luftarak, e cila u sekuestrua në cilësinë e provës materiale, bashkë me automjetin.” – njoftojnë blutë e kryeqytetit.
Mbi 40-vjeçarin Arben Koçi rëndojnë për veprat penale “Mbajtja pa leje dhe prodhimi i armëve,armëve shpërthyese dhe i municionit” dhe “Drejtimi i automjeteve në mënyrë të parregullt”.
Materialet procedurale i kaluan Prokurorisë së Tiranës për veprime të mëtejshme.
