Etrit Berisha është kthyer shumë shpejt në një emër të rëndësishëm për klubin e Empolit.
Portieri i Kombëtares shqiptare po dhuron paraqitje mbresëlënëse me klubin e tij në Serinë A dhe ajo e fundit ndaj Napolit i solli edhe vlerësime të jashtëzakonshme në mediat italiane.
Por pas grumbullimit me Kombëtaren, në klubin e Empolit do të duhet të marrin një vendim aspak të lehtë sa i përket portierit kuqezi.
Kjo, pasi Berisha fitoi vendin e titullarit pas dëmtimit të të riut Elia Caprile, të cilin klubi në fjalë e kishte marrë si portier të parë për këtë sezon dhe të cilin ta promovonte për ta shitur në të ardhmen.
Caprile tani është kthyer nga dëmtimi dhe për trajnerin Aurelio Andreazzoli ka ardhur koha që të marr një vendim, siç e pranoi edhe ai në një prononcim sot në mediat italiane.
Caprile apo Berisha? Vlerësimet do të bëhen së bashku me Vinçenco Siçinjano, përgatitësin tonë të portierëve. Caprile po kthehet, ka mbyllur periudhën e tij të dëmtimit, po stërvitet me ritëm të plotë. Do të vendosim me qetësi”, tha Andreazzoli , i bindur se ka në gatishmëri alternativa shumë të mira sa i përket mbrojtjes së katërkëndorit të tij.
