Një person është arrestuar, një tjetër është vënë në hetim, dhe dy të tjerë janë shpallur në kërkim në Kurbin, pasi akuzohen se kanë gërryer me ekskavator shtratin e lumit Mat.
Blutë bëjnë me dije se në pranga ka rënë pronari i 2 prej eskavatorëve, P.M 57 vjeç për shkak se nuk kishte leje dhe dokumentacionin përkatës për të ushtruar këtë veprimtari.
Nën hetim është vënë shoferi i njërit prej eskavatorëve, 50 vjeçari A.P i cili punonte për firmën që administrohej nga 57 vjeçari P.M.
Ndërkohë janë shpallur në kërkim A. K. 32 vjeç dhe E. L. 34 vjeç, banuesë në Lezhë të cilët kishin në pronësi ekskavatorin tjetër të gjetur në vendngjarje. Vijon puna për kapjen e tyre.
