Është lënë në burg edukatorja, Majlinda Delima, e cila dyshohet se dhunoi dhe i theu këmbën -vjeçares në kopshtin ‘Stinët’ në Tiranë.
Kujtojmë se Delima u arrestua më 9 nëntor pas publikimit të pamjeve filmike në emisionin stop, ku shihet keqtrajtimi që ajo i vën vogëlushes.
Në dëshminë e saj para trupës gjykuese, Delima shprehet e penduar për veprimin e saj.
“Jam shumë e prekur me atë që ka ndodhur, nuk e kam kuptuar situatën fillimisht, më vonë e konstatova dëmtimin. Kërkoj shumë ndjesë familjarëve, jam shumë e prekur, nuk do kisha dashur kurrë një situatë të tillë të kishte ndodhur.”- ka thënë Delima.
Ajo akuzohet për veprën penale “Keqtrajtimi i të miturve”. Shoqëri civile dhe qytetarë të shumtë kanë protestuar para kopshtit dhe para Ministrisë së Arsimit duke bërë thirrje, që të tilla raste dhune të ndëshkohen maksimalisht.
