Raphael Dwamena u nda nga jeta në moshën 28-vjeçare. Sulmuesi ganez pësoi një kolaps gjatë ndeshjes së sotme mes Egnatias dhe Partizanit dhe përpos ndihmës mjekësore që mori në fushë dhe gjatë transportimit për në spital, Dwamena nuk ia doli që të mbijetojë.
Tragjedia e sulmuesit i ka shokuar shokët e tij të skuadrës, ku që në çastet e para të shembjes së lojtarit në fushë u pa qartë dëshpërimi në fytyrat e tyre, ku kishte nga ata që shpërthyen në lot duke parandiere të keqen që ndodhi.
Pas tragjedisë futbollistët e Egnatias janë solidarizuar në rrjetet sociale duke shprehur ngushëllimet për ish-shokun e tyre të skuadrës, Rafael Dwamena, i cili ishte pika referuese e Egnatias në repartin sulmues.
Në mesazhet e lojtarëve duket qartë pikëllimi dhe për ata Dwamena do të mbetet gjithmonë kapiteni i tyre i skuadrës.
Ja reagimet dhe mesazhet ngushëlluese të futbollistëve të Egnatias për humbjen së jetës së shokut të tyre të skuadrës.
