Partia Demokratike ka njoftuar thirrjen e Kuvendit Kombëtar në datë 2 dhjetor, 2023, ora 11.00 në Pallatin e Kongreseve.
Përmes një njoftimi zyrtar bëhet me dije se gjatë këtij Kuvendi të Jashtëzakonshëm për fatet e PD do të bëhet votëbesimi i kryetarit të partisë.
Nga njoftimi raportohet gjithashtu se në rendin e ditës janë edhe “disa pika të tjera që lidhen me zhvillimet e brendshme në parti”.
Njoftimi:
Pas konsultimit me forumet, Kryesia e Partisë Demokratike në mbledhjen e datës 9 tetor 2023, vendosi thirrjen e Kuvendit Kombëtar të Partisë Demokratike më datë 2 dhjetor, 2023, ora 11.00 në Pallatin e Kongreseve.
Gjatë këtij Kuvendi të Jashtëzakonshëm për fatet e PD, opozitës dhe shoqërisë, në kushtet e një qeverie që ka kapur të gjitha pushtetet, bazuar në statutin e Partisë Demokratike, do të bëhet votëbesimi i kryetarit të partisë.
Në rendin e ditës janë edhe disa pika të tjera që lidhen me zhvillimet e brendshme në parti dhe gjendjen ku e ka futur Shqipërinë politika anti-shoqërore dhe anti-kombëtare e Edi Ramës.
