Prokuroria e Posaçme ka mbyllur hetimet për procedimin penal në ngarkim të Safet Gjicit dhe Alma Kaçit.
SPAK ka dërguar kërkesën për gjykim në GJKKO teksa akuzon ndaj ish-kryebashkiakut të Kukësit për veprën penale korrupsion pasiv i funksionarëve të lartë shtetëror apo i të zgjedhurve vendor, ndërsa Alma Kaçi akuzohet për korrupsion aktiv.
Safet Gjici ra në pranga në qershor të këtij viti, pak javë pasi ishte rizgjedhur në krye të Bashkisë së qytetit verilindor. Ai shfaqej në disa pamje filmike të regjistruara në zyrën e tij nga Alma Kaçi duke kryer seks oral, ndërsa më pas kjo e fundit i kërkonte ta favorizonte në një projekt për rehabilitimin dhe strehimin e qenve. Gjici ndërkohë i premton se do ta ndihmojë.
Prej kësaj kohe, Gjici ndodhet prapa hekurave nën masën e arrestit me burg, ndërsa Kaçi në arrest shtëpie.
