Atalanta, Marseille e West Ham nuk kanë zhgënjyer në përballjet e mbrëmjes, të vlefshme për raundin e 4-t të fazës së grupeve të Europa League.
Atalanta ka mundur me rezultatin minimal, 1-0, austriakët e Sturm Graz, me golin e vetëm të sfidës që erdhi nga Berat Gjimshiti, me “legjionarin” e Kombëtares sonë, që arriti të shënonte në përballjen e 200-të me fanellën e zikaltërve, duke kualifikuar skuadrën nga grupi D.
Në “OPAP Arena” të Athinës, francezët e Marseille kanë arritur një fitore me shumë vlera në sfidën e mbrëmjes së kësaj të enjteje, ndaj grekëve të AEK-ut të Athinës, teska në minutën e 25’-të të sfidës, qendërmbrojtësi kongolez, Chancel Mbema dërgon në rrjetë një krosim të Clauss e më pas Ismaila Sarr dhënoi në minutën e 93’-të për të siguruar një tjetër fitore, në fazën e grupeve të Europa League, duke marrë vendin e parë në grupin B, me 8 pikë.
Ndërkaq, në Londër, West Ham ka mundur me rezultatin 1-0, Olympiacos, me golin e vetëm të sfidës që erdhi në minutën e 72’-të të saj, me anë të brazilianit, Lucas Paqueta, i cili mposht portierin Paschalakis. Anglezët shkëputen kështu në krye të grupit A, me 9 pikë.
Ndërkaq, në sfidat e tjera të mbrëmjes, spanjollët e Real Betis mundën qipriotët e Aris Limassol, me rezultatin e thellë, 4-1, Freiburg fitoi me rezultatin e thellë, 5-0, ndaj serbëve të TSC, Molde mposhti Hacken me rezultatin 1-3, Rangers triumfoi me rezultatin, 2-1, ndërsa Sporting fitoi ndaj polakëve të Rakow, 2-1.
Rezultatet:
