Moti i keq me reshje shiu është bërë shkak i dy aksidenteve mëngjesin e kësaj të mërkure
Pas atij në Peqin-Elbasan ku u përplasën dy automjete, një tjetër aksident ka ndodhur në aksin Fier-Levan. Dy automjete, një tip “Toyota” dhe një tip “Opel” me targa Kosove janë përplasur me njëra-tjetrën, por fatmirësisht pa të lënduar. Janë raportuar vetëm dëme materiale.
Si pasojë e aksidentit është rënduar trafiku, kjo për shkak edhe të motit të keq me reshje intensive shiu, dhe lagështisë në rrugë.
Policia ne vendngjarje po heton shkaqet e aksidentit.
