Foshnja që u gjet e braktisur mëngjesin e sotëm në bodrumin e një pallati në zonën e Yzberisht në Tiranë, ndohet në gjendje të rëndë për jetën. Burime për mediat bëjnë me dije se foshnja ndodhet në intubim, teksa nuk kishte shumë kohë që kishte lindur.
Po të njëjtat burime bëjnë me dije se dyshohet se lindja e foshnjës ka ndodhur pikërisht në divanin e vjetër që ishte në bodrum.
Pas këqyrjes së kamerave të sigurisë, mësohet se ato kanë filmuar një grua që ka dalë nga bodrumi, por pamjet nuk janë të qarta. Megjithatë bëhet me dije se janë pranë gjetjes së nënës që e braktisi. Burime bëjnë me dije se kamerat e kanë filmuar gruan vetëm jashtë bodrumit të pallatit, pasi brenda garazhit nuk ka kamera.
Mësohet se ka qenë një banor i pallatit, ai që fillimisht konstatoi të qarat e foshnjes e më pas lajmëroi uniformat blu.
