Real Sociedad ka arritur një fitore më shumë vlera, mbrëmjen e kësaj të mërkure, teksa në “Reale Arena” mposhtën, me rezultatin 3 me 1, “shqiponjat” e Benfica në sfidën e vlefshme për fazën e grupeve të UEFA Champions League.
Gjithçka u vulos në pjesën e parë të sfidës me “baskët” që arritën të shënonin plot 3 herë në portën e portugezëve fillimisht me anë të Mikel Merino në minutën e 6’ të sfidës e më pas me anë të “fantazistit”, Mikel Oyarzabal, në minutën e 11’-të dhe për të “vulsour” rezultatin, 3 me 0 në fundin e pjesës së parë mendoi “fantazisti”, Ander Barrentexea.
Me fillimin e pjesës së dytë, një gol në këtë sfidë do ta gjenin edhe “shqiponjat” e Benfica, me “yllin” e tyre, Rafa Silva, i cili çon në rrjetën e spanjollëve një pasim të bukur të Otamendi brenda zone, duke arritur të shënojë dhe golin e parë në këtë edicion të UEFA Champions League.
Përsa i përket renditjes, në grupin D, “baskët” e Real Sociedad aktualisht janë në vendin e parë të grupit, me 10 pikë dhe tashmë presin rezultatin e sfidës Salzburg-Inter, ndërsa Benfica mbetet në vendin e fundit me 0 pikë.
Në grupin C, Napoli nuk ka shkuar më shumë se një barazim 1-1 në shtëpi me Union Berlin. Kampionët e Italisë shënuan të parët me Politano, ndërsa Fofana u kundërpërgjigj në fillimin e pjesës së dytë.
Me këtë rezultat, ekipi i Garcias është në vendin e dytë me 6 pikë, ndërsa Union Berlin mbyll klasifikimin me një pikë.
