Një aksident ka ndodhur këtë të mërkurë në aksin rrugor Elbasan-Peqin.
Policia njoftoi se në fshatin Vidhas, automjeti me drejtues shtetasin Gj. Z., 32 vjeç, banues në Elbasan, është përplasur me automjetin me drejtues shtetasin K. K., 30 vjeç, banues në Kuçovë.
Për pasojë është dëmtuar lehtë shtetasi Gj. Z., i cili u dërgua për ndihmë mjekësore, në spital, ku ndodhet jashtë rrezikut për jetën.
Me shtetasin K.K. po kryhen veprimet procedurale, ndërsa grupi hetimor po punon për përcaktimin e shkaqeve të aksidentit, shtuan të njëjtat burime.
