Një aksident ka ndodhur mbrëmjen e sotme në Rrugën e Arbrit.
Sipas raportimeve të para bëhet me dije se një automjet është përmbysur mbi urën 158 metra të lartë, pjesë e rrugës së Arbrit.
Ngjarja mësohet se ka ndodhur në dalje të tunelit të tretë të rrugës së Arbrit në fshatin Shkallë të Xibrit.
Mësohet se në automjet ndodheshin dy të rinj, burrë e grua, teksa kjo e fundit është transportuar për ndihmë mjekësore në spital.
Policia ka mbërritur menjëherë në vendin e ngjarjes dhe ka nisur hetimet për zbardhjen e shkaqeve të aksidentit.
Paraprakisht dyshohet se shkak mund të jetë bërë zhavori që ka hyrë në tunelin e pjerrët si pasojë e ujërave të shiut.
